إذى تلف أوروبا بملاليم فى 5 خطوات !!

2018-06-28 21:10:22 مال و أعمال ...





المقال منقول.
إذى تلف أوروبا بملاليم فى 5 خطوات !!
السفر بره مصر بقي أرخص من جوه مصر بعد غلو البنزين والأسعار ضربت.
البوست ده تاريخي وخلاصة سنين سفر. فأعمله save عندك عشان ترجعلة لما تحتاجه.
هتصدقني لو قولتلك لو سافرت أوروبا أسبوع بالطيران بالإقامة بقي أرخص من أنك تقعد في الساحل أسبوع.
فأنا لخصتلكم في المقال اللي كتبته ده أهم الحاجات اللي ممكن تتبعوها علشان تسافروا وتصوروا وتتفسحوا.
ولوعاوزين تشوفوا صور أوروبا بأفكار مختلفة يبقي تابعوني علي الصفحة والأنستجرام:
https://www.facebook.com/beshoytravelphotography/
https://www.instagram.com/beshoyfayez25/
أزاي تسافر أوروبا بسهولة وكمان بفلوس قليلة:
1- الفيزا
الناس بتعتبرها اكبر مشكلة لكن هي سهلة جدا لأن كل الدول دي بتبقى بس عايزة تضمن حاجتين:
أولا: ان انت هترجع تاني فلو انت طالب بتجبلهم اثبات قيد من الكلية و لو انت بتشتغل تجبلهم ورقة من الشغل ان انت اجازة في الفترة اللي مسافر فيها و ان هي موافقة على كدة وفيها مرتبك ..وياسلام لو ليك واحد صاحبك في أوروبا يجبلك انفيتشن انك واكل شارب نايم علي حسابه (وده بيبقي علي الورق بس)..وعلي فكره أنا خدت فيزا أنجلترا من غير أنفتيشن
ثانيا: اهم حاجة هي حساب البنك و ناس كتير بتترفض بسبب الموضوع ده لانهم فاهمين غلط فبيروح يجيب ٥٠٠٠٠ من واحد قريبه و يخليهم في الحساب و بعدين يسحبهم و هما طبعا فاهمين كده لكن اللي هما عايزينه ان الحساب ده يكون مر عليه ٦ شهور و يكون شغال يعني فيه حركة سحب و ايداع و مش لازم يكون فيه فلوس كتير يعني تقريبا لو حطيت فيه المبلغ اللي انت هتسافر بيه وزود عليه شوية و خليهم لحد ما تاخد الفيزا و بعدين اسحبهم، يعني مثلا لو انا مسافر ١٠ ايام هحط تقريبا ١٠٠٠٠ و الرقم ده مش ثابت ده تقريبيا ممكن يكون ازيد او اقل شويةوعلي فكره أنا مره خدت فيزا ألمانيا وكان حسابي البنكي 900 جنية...(معلومة مهمة: محدش يعرفها كتير أنك ممكن تجيب حساب البنكي بتاع والدك ويمشي عادي جدا)
 
2- تذكره الطيران
ممكن توفر كتير لما تستخدم الطيران ال Low cost وده طيران مفهوش اي خدمات ورخيص فحت بس لما تحجز قبليها بتلات اربع شهور وده موقع حلو أوي ممكن تعرف ارخص طيارات لليوم والمكان اللي انت رايحه:
http://www.skyscanner.net
وكمان في طيران من الرخيص ده بيجي مصر بس بيطلع من الغردقة وبيروح لندن في إنجلترا وجنيف في سويسرا وتقدر تسافر من الدولتين دول أي مكان انت عاوزه وكمان سعر التذكره رخيص جدا ..انا سافرت سويسرا رايح جاي ب ٢٠٠٠ جنية موقعه أهو:
http://www.easyjet.com/en/
3- الإقامة
دا بقى عندك في اختيارات كتير
-
اختياري الأول والمفضل ببلاش،
هتخش على الموقع دا
www.hosteltraveljobs.com
وتشوفلك شغلانه بلقمتك ونومتك
-
أو هتسجل على الموقع دا
www.couchsurfing.com 
وتدور على حد يستضيفك ببلاش..ايوه ببلاش..في ناس تسألني طاب هما هيستفيدوا ايه:أقولك أنا: المهم عندهم يقابلوا واحد من أهل البلد علشان يعرفوا عن البلد أكتر وكمان يكونوا صدقات كتير..وركز هتلاقي فرص في اللي اتنين بس متكسلش ومتيأسش من أول مرة....(أنا اقعدت عند ناس كتير في دول مختلفة..واكل نايم شارب متفسح ببلاش)
-
لو معاك قرشين عايز تصرفهم – وأنصحك حتى لو معالك فلوس تخوض التجربة بتاعت ببلاش هتضفلك كتييير – ممكن تحجز من على الموقع دا Www.Booking.com
4- المواصلات
في أوروبا عندهم حاجة حلوة أوي انك لو مسافر من بلد لبلد لواحدك ممكن تاخد معاك ناس وتشيروا البنزين والموقع ده هو اللي ناس بتسجل عليه علشان تدور علي ناس يركبوا معاهم العربية او انت تدور علي عربية والموقع أمن جدا يعني محدش هيسرقك
https://www.blablacar.com/
5- الأكل
كارفور منتشر أوي في أوروبا فمكن تروح كارفور وتشتري بيرو توست وبيرو جبنة وبيرو لانشن وتعيش بيهم في اليوم ..وكمان عندهم المحلات الصينية بتبيع بردو أكل وحاجات تانية رخيصة
٦- التصوير
قبل ما بروح اي بلد بقرا عنها كتير واتفرج علي صور للمكان اللي رايحة وكمان لما بوصل البلد بتفرج علي البوست كارد بتاعت المعالم السياحية علشان هي دية اللي هتديني الفيتامينة عن زوايا التصوير
ماتخدوش معدات تصوير كتير علشان ماتلخمكومش وركزوا في انتوا عاوزين تصوروا ايه
معلومات مهمة:
1- لما تسافر متخدش لبس كتير معاك يعني بنطلونين علي كام تشيرت هيبقي حلو أوي ومتخدش معاك حاجات ملهاش لزمة
2- خلي بالك من الحرمية علشان فرصة السرقة في أوروبا اكتر من مصر (أنا أتسرقت في اليابان)
3- كون صدقات كتير هناك وخصوصا لو اجانب علشان هتستفيد منهم كتير وهيدوك معلومات كتير
4- طول ما أنت ماشي في أوروبا هتقابل مصريين واقفين في محطات القطر وهيقلولك أنا ممكن أساعدك أحنا ولاد بلد..اللي هيقولك كده فكك منه علشان غالبا هينصب عليك
5-  متخليش الفلوس أبدا توقفك في حلول كتير، واشتغل وإنت بتدرس واتعلم تحوش
6- قبل ما تسافر أي بلد أقرأ عنها كويس علشان تعرف البهايز وتحدد الأماكن اللي هترحها
7- أي بلد تروحها بيبقي عندهم مكاتب للسياحة في الشوارع تبع الحكومة بيشرحولك المدينة واهم المعالم وكمان بيدوك الخريطة ببلاش
من خبرات  بيشوي فايز في السفر.

 













نحن نقدر تعاونك
من فضلك اختر نوع التجاوز




شاهد ايضا




التعليقات

  • اكتب تعليق




مواضيع جديده




افضل 30 كاتب هذا الاسبوع

اكثر المواضيع مشاهدة علي الاطلاق