كيفاش نكبر عدد المتابعين فانستغرام

2018-05-24 17:44:52 تكنولوجيا ...






زاف منكم بغاوني نعطي طرق مباشرة باش يطبقوها و ما فيهم لي يقراو الشروحات ولا يفهموا الخوارزميات لي خدام بيها انستغرام، واخا انا عارف بزاف غادي تجيهم هاد الهضرة تقيلة فاللول و لكن كنفضل انني نشرح الأساسيات باش حتا الا بدينا فالطرق نكونوا عارفين علاش كنديروهم و نقدروا كاع نبدعوا و نختارعوا طرق خاصة بينا و هذا هو الهدف الاسمى بالنسبة ليا.  المهم ندخلوا فصلب الموضوع، ونبداو باول نقطة لي هي relevance  اول حاجة خاص تعرفها هي ان انستغرام مهتم بيك و بسلوكاتك و متبع جميع تحركاتك حيت منها كيجمع عليك المعلومات باش يكون قادر يوريك داكشي لي كيعجبك. 


و جوج حوايج لي كيركز عليها بزاف هما الكونطات لي كتفاعل معاهم و الهاشتاغات لي كتستعمل، و الا جربتي وقتما تفاعلتي مع هاشتاغات جداد غادي تلقا الfeed ديالك كيتبدل على حساب داكشي لي تفاعلتي معاه. باش تزيدو تفهموا "الريليفنس" مزيان نفتارضوا شي حد دار ليك follow و لكن من بعد عمرو دار ليك جيم و لا تعليق و ما تفاعلش معاك، فهاد الحالة انستغرام ما غاديش يوري البوسطات ديالك لداك السيد حيت كيعتابروا ماشي مهتم بالمحتوى ديالك واخا دار ليك متابعة. هنا غادي تسولو #شنو الحل ؟  اولا خاصك تستعمل الهاشتاغات المناسبة لداكشي لي كدير، هاد الخطأ كيطيحوا فيه بزاف ديال الناس، كيصحابوا الا استعمل بزاااف ديال الهاشتاغات غادي يوصل البوسط ديالو لناس اكتر و كتلقاه عندو صورة كتدوي على الماكلة و داير هاشتاغ ديال المايكاب و لا شي حاجة ما عندهاش علاقة بالمحتوى ديالو. 

ثانيا خاص تاكد من واش الهاشتاغ خدام و لا لا، حيت مؤخرا بفضل الذكاء الصناعي لي خدامة بيه انستغرام، كيقدروا يعرفوا واش الصورة مطابقة للهاشتاغ و الا كانت لا، ما كيبينوش البوسط ديالك فيه و كيصدق داك الهاشتاغ غير ضايع، بلا ما نساو بعض الهاشتاغات لي كتحبس و ما كتبقاش خدامة لواحد المدة معينة( كتحبسهم ادارة انستغرام الا لقاو فيها شي مخالفات) و دابا غادي ندوز للنقطة الثانية و الثالثة الا هما human و timing. من بين الركائز الاساسية ديال هاد جوج نقط هي التفاعل، يعني خاص تحاول ما امكن يكون تفاعل فالبوسطات ديالك باش يكون عندو  حظوظ يكون من بين طوب بوسط فالهاشتاغات لي استعملتي. 

لي كنعني بالتفاعل هو خاص منين تبوسطي شي بوسط تكون سريع فالتفاعل مع التعليقات خصوصا فالساعة اللولة بعدما بوسطيتي. كل ما تفاعلتي بسرعة و بينتي على اهتمامك بتعليقات المتابعين ديالك كلما انستغرام كيوريهم لناس اخرين.  و باش يتفاعلوا الناس مع البوسط ديالك باش نتا تقد تجاوبهم بسرعة خاص تخدم بداكشي لي عاطيك انستغرام، مثلا قبل ما تبوسطي دير صطوري كتعلم فيها المتابعين انك غادي تحط بوسط و خليهم متشوقين يعرفوا شنو حطيتي (كون ذكي فإثارة الانتباه)، ما تنساش تفاعل مع المتابعين ديالك فالفيد حيت قدما تفاعلتي معاهم تاهما غادي يتفاعلوا معاك و غادي تولي كتبان عندهم فالفيد ديالهم اكتر.  باش نلخص هاد النقط كاملين، حاليا انستغرام بغاك تعطي الاهتمام للمتابعين ديالك و تفاعل معاهم و داكشي لي خلا مؤخرا الناس لي كيخدموا بالاوتوماتيك ما يحصلوش على نفس النتائج لي كانوا كيحصلوا عليها فأيام الغفلة و البدايات ديال انستغرام.

هادي نبذة على كيفاش خاصك تعامل مع انستغرام و حاولت نعطي المعلومات الرئيسية. دابا غادي ندخل للمعقول و فالفقرات الجايين غادي نوريكم كيفاش تقدروا تخدموا بالاوتوماتيك و شنو لوجيسيالات و الابليكاسيون لي كاينة (فابور و بالفلوس) و كيفاش تخدموا بيهم بطريقة فعالة.  تهلاو فراسكم 


















نحن نقدر تعاونك
من فضلك اختر نوع التجاوز




شاهد ايضا




التعليقات

  • اكتب تعليق




مواضيع جديده





افضل 30 كاتب هذا الاسبوع

اكثر المواضيع مشاهدة علي الاطلاق