x

 

عندما يصرخ الشيطان

2018-05-14 15:28:13 قصص و حكايات ...






الساعة كانت حوالي 2 بليل والنوم كبس عليا جدا فقررت اني اسيب "الجثة"اللي شغال فيها علي الترابيزه وادخل انام وأكمل شغل فيها تاني يوم ...!!!


فعلا رميت "المشرط" جنب الجثة علي الترابيزه ودخلت الاوضة ونمت..
صحيت من النوم علي صرخه عاليه فزعتني ، تقريبا هزت الشقة كلها ...
قومت مرعوب وقعدت علي السرير ايه الصرخة المرعبه دي وجت منين ..؟ فضلت علي السرير شوية خايف اخرج من الاوضة ...
سمعت أصوات حد ماشي بره في الشقة وانا مفروض اني قاعد لوحدي محدش معايا ...


مقومتش وقولت يمكن تهيأت بس الحركة اللي بره بدأت تزيد وكأن حد بيجري بره قدام اوضتي ،،؟؟
اتقلفت في البطانيه وبراقب من مكاني ايه اللي هيحصل خايف أتحرك من مكاني ..
الأصوات بتزيد وابتدي حد يخبط علي الباب اتشليت في مكاني مش قادر أتحرك والخبط عمال يزيد ...
سامع نفس بره ..! قدام الباب والخبط شغال والحركة والأصوات بتعلي..


النفس بيزيد ومعاه دقات قلبي بتزيد وخيالات باينة وواضحة قدام الباب ...
طلعت صرخة تاني اعلي من الصرخة الاولانيه بس دي كانت صرختي لما شوفت اوكرة الباب بتتحرك...؟؟
الاوكره بتتفتح بشويش ....!!
الباب اتفتح ..؟؟
خشبت في مكاني وعيوني مبرئه وباصص ناحية الباب ومستني اشوف اللي هيدخل عليا ..؟؟
مفيش حد دخل الاوضة عليا بس ده خوفني اكتر لان خيالات كتير رايحة جايه من قدام باب الاوضة أشياء بتعدي زي الريح بشوف خيالها وبسمع صوتها ...


كل ثانية بتعدي عليا بموت من الرعب بتمني حد يدخل واشوف ايه الشئ ده واخلص حتي لو هيقتلني بس اخلص من العذاب ده ..!!
مفيش حد بيدخل والأصوات والخيالات والصريخ شغال مش بيسكت من قدام اوضتي بل بيزيد والصوت بيعلي اكتر ..
خلاص انهرت وانا مكاني وأخيرا صوتي طلع وزعقت وناديت ...!!؟
مين بره أيا كان المخلوق اللي بره يرد عليا او يوريني نفسه انا مش خايف منك انت عاوز مني ايه ...؟؟؟
الصوت واحده واحده سكت والخيالات ابتدت توقف ومفيش صراخ ...!!


صوت أقدام جايا عليا من الصاله ببطأ ونفس عالي سامعة من مكاني علي السرير ...
الأقدام اللي جايه من بره صوتها بيقرب مني بيقرب جدا ..
خلاص الصوت بقا تقريبا علي باب الاوضة ..
باب الاوضة اتشد واتقفلت الاوضة تاني عليا ...؟؟
بس الصوت بقا جوه الاوضة ..
بيقرب من السرير اللي انا عليه نفسه مش سامعه بس ..؟لا دانا حاسس بيه ..!!
نفسه ابتدي يلامس وشي وانا مبتنفسش ولا بتحرك من مكاني ..
تقريبا اتجمدت ..
البطانية بتتسحب من عليا ببطأ
نور الاوضة طفي ..!!
النور جيه وطفي تاني ..
عمل كده مرتين تلاته يجي ويطفي يجي ويطفي وصوت الأنفاس بيتحرك حواليه ..
النور جيه بس الأضائة ضعيفه جدا يدوب شايف قدامي بس حاسس بشئ موجود معايا ...
صوت النفس ورايا بالظبط ..
الشئ ده موجود ورايا علي السرير ..
حاسس بيه..!!
بصيت ببطأ وانا برتعش ..
لفيت رقبتي وبشوف ايه اللي ورايا..؟
صرخت من اللي شوفته في وشي ..؟؟
دي الجثة اللي انا كنت شغال فيها ...!!
فضلت أصرخ واصرخ ...
الجثة كلبشت في ايدي وابتدت تسحبني لبره ..
وانا مش قادر اقاوم ..
بحاول بس مش قادر..
عندها قوه تقريبا خارقة ..
خرجتني علي الصاله ونيمتني علي الترابيزه اللي انا كنت حاططها عليها ...
جسمي مفرود علي الترابيزة من غير قيود بس مش قادر أتحرك ..
انا متأكد ان فيه قيود علي ايدي ورجلي بس مش شايفها ..!!؟
ابتدي يمسك المشرط ويقرب مني ...
صرخت وقولتله سيبني أرجوك مش هعمل كده تاني ...
بس هو ليه هدف معين بينفذه ولا اكنه سامعني ولا بيرد ..
وهيرد ازاي اصلا ده جثه ..!!
بس ده بيتحرك .
وبيتحرك ازاي وجسمة كله متقطع دانا فاتح بطنة وواخد قلبه وكبده وكنت قبل منام هاخد الرئتين بس قولت اكمل بكره ...
ابتدت الجثث تزيد في المكان ...!!
كل الجثث اللي اشتغلت فيها قبل كده وسرقت أعضائها لاقيتها واقفه حواليا وكل واحد في أيده مشرط وبيقربوا مني ...
صرخت صرخت صرخت محدش رد عليا ومصعبتش عليهم وابتدوا يقطعوا في جسمي بالبطئ ...
افتكرت وقتها كل واحد فيهم قبل مقتله واسرق أعضائه ..
افتكرتهم وهما بيترجوني ارحمهم بس عمرهم مصعبوا عليا
وهما بيصرخوا وانا كنت بقتلهم واقطع في أجسامهم وانهشها بدم بارد ..
افتكرت عياط كل طفل وانا بدبحه عشان أبيع لحمة عشان أخد حبة فلوس مقابل كل حته لحم ابيعها منه ...!!
وقتها اتأكدت ان هما عمرهم مهيرحموني ولا هصعب عليهم ..
مهما كمان عمرهم مصعبوا عليا ...!!
أرواح كل واحد فيهم جايه لهدف محدد.، وهوه الانتقام مني وبشده ...!!!
كل حته في جسمي واحد ماسك مشرط وبيقطع فيها ..
ستات ورجاله وأطفال كلهم بينهشوا في جسمي وانا حي وحاسس بكل حاجه .
صرخت تاني وزعقت وعملت كل حاجه بس مين هيسمعني،،؟؟
منا واخد شقه في مكان معزول عشان نفس السبب ان محدش يسمع الصريخ والبكاء اللي بيتم في الشقه...
امتي بقا اموت واخلص حد فيكم يريحني ويخلصني من حياتي ...
حد يدب المشرط في قلبي مره واحده ..
اقتربت جثة طفل منهم بدون قلب ليس دليل علي قسوته..
بل بدون قلب حرفيا فقد بعت قلبه مسبقا بعد قتله بدم بارد ...!!
اقترب مني بمشرطه ومد أيده علي رقبتي وشد مشرطه بقوة ...
وهنا وقبل خروج النفس الأخير مني
نظرت اليهم وجدتهم وقد ترك كلا منهم مشرطه وذهب الي العدم وهو مبتسما وقد أتم مهمته علي اكمل وجه. تمت*********

















نحن نقدر تعاونك
من فضلك اختر نوع التجاوز




شاهد ايضا




التعليقات

  • اكتب تعليق




مواضيع جديده





افضل 30 كاتب هذا الاسبوع

اكثر المواضيع مشاهدة علي الاطلاق