اشباح التايتنك 4

2018-04-03 07:18:00 قصص و حكايات ...






ريم : انا هقولكوا انا ايه وعاوز ايه انا ابقى اسمى ريم والدى كان راجل جميل جدآ عشقته جنيه وقررت تتجوزه وهو كمان حبها جدآ وجابونى لكن المشكله ان ماما كل عيلتها من الجن الشرير لكن لما عشقت بابا .. ف بابا الله يرحمه حول سلوكها من الجن الطيب وبكده خرجت من العشيره وبعدين عشيرتها قتلوها  الكابتن وليد : طيب وانتى طالعه من انهى نوع ؟!


 ريم : انا من الطيبين زى ماما وبابا وفيا صفات كتير مشتركه بين البشر والجن ... زى انى بشرب علشان اعيش لكن مقدرش اكل و زى انى ممكن اختفى لكن بختفى لفتره صغيره وده بيأثر على صحتى جدآ  الكابتن وليد : مش عاوز اسمع التخاريف دى تانى .. احمد وعبقرينوا وقرشى وكل الناس تستعد كويس علشان هنستكشف الجبل ده الأول قبل ما نغطس لأن لو الجبل ده هش وممكن يحصل فيه تشققات فى اى وقت احنا مش هينفع نغطس لأن ده فى خطوره على حياتنا ريم : انا قولتلكوا متروحوش ورا الجبل

الكابتن وليد : وانا قررت اننا هنروح ريم : طب خلوا بالكم من باسل علشان ده مبيرحمش  الكابتن وليد : احنا لا بنخاف من باسل ولا من غيره

وبعد 10 دقايق كلهم استعدوا واخدوا القوارب الصغيره واتجهوا الى الجبل الجليدى علشان يستكشفوهوشافوا اغلب المناطق اللى فى الجبل الجليدى ما عدا ورا الجبل

الكابتن وليد : جاهزين نستكشف ورا الجبل ؟! فريق العمل : جاهزين يا كابتن


 الكابتن وليد : على البركه ... يلا بينا

واول ما الكابتن وليد قال كده ابتدوا يسمعوا صوت ضحك عالى جاى من ورا الجبل لكن كان ضحك مش عادى كان ضحك مخيف وكان مصدره اكثر من صوت يعنى اكثر من واحد وواحد بيضحكوا فخاف طاقم العمل وتملك الخوف قلب القبطان وليد لكنه لم يأبه لهذا الخوف وقرر ان يعبر هذا  الجبل الجليدى حتى ولو بمفرده

وقررت نيرمين ان تعبر معه الجبل لأنها تحبه ولكنها تخفى هذا الأمر عن الجميع بينما قرر الجميع انهم لن يعبروا الجبل لأنهم خائفون ..

ثم صاح احمد : هو احنا مش رجاله ولا ايه طب والله لأطلع معاك يا كابتن

وقرر الجميع الأنضمام اليه عدا قرشى الذى ظل خائفآ وقرر الرجوع الى السفينه واخذ قرشى احد القوارب الصغيره ورجع الى السفينه

وصعد الجميع الى الجبل ولكن المفاجأه انهم وجدوا النصف الأخر من الجبل لونه احمر مثل الدم

الكابتن وليد : هننزل ولا ؟!  احمد : لو منزلناش يبقى مش هنغطس وهناخد السفينه ونرجع واحنا متعبناش ده كله علشان نرجع قفانا يقمر عيش الكابتن وليد : يبقى ننزل وخلوها على الله ومحدش يصدق المجنونه دى اللى اسمها ريم نيرمين : لا احنا فعلآ مصدقينها   الكابتن وليد : يلا ننزل

وفعلآ نزلوا من على الجبل لكن لقيو كهف معمول من التلج ومفيش جواه اى نور

نيرمين : انا خايفه


 الكابتن وليد : متخافيش احنا هندخل كلنا متقلقيش

وبعد ما مشيوا جوا الكهف ده حوالى ربع ساعه وعمالين يشوفوا بالكشافات اذا كان فى اى شرخ او اى حاجه ممكن تبشر بأن الجبل ممكن حتت فيه تنهار انطفت كل الكشافات وسمعوا صوت بيقول ( اهلآ بيكوا فى مملكتى)

الكابتن وليد : انت مين الصوت : انا باسل اييييييييييه محدش قالكوا عنى ولا اييييييييييه الكابتن وليد : ايوه يعنى انت مين ؟! باسل : انا ليا حق وباخده من اى حد يعدى من هنا علشان محدش يعدى تانى من المنطقه دى الكابتن وليد : وايه بقى حقك وانا هديهولك


 باسل : محدش هيعرف يرجعلى حقى لأنه خلاص انتهى ... انا خال ريم اللى معاكوا دى اللى اتسمت اسم بشرى علشان واحد ضحك على امها و... الكابتن وليد : محدش ضحك على امها هى اللى عشقت بنى ادم  باسل : اخررررررررررررص

ثم اشتعلت نيران داخل الكهف ولكن لم يذوب الجليد فرأو باسل وكان باسل شئ شبيه للثور ولكن يقف على قدمين وليس على اربع وعينه لونها احمر وله قرون طويله وشكله مخيف جدآ

الكابتن وليد : بقولك محدش ضحك عليها هى اللى ..  يقاطعه شريف : ابوس ايدك اخرص هو مش الراجل قالك اخرص ؟! يبقى تخرص يا كابتن عاوزين نروح سلام  باسل : دلوقتى انتوا هتخرجوا من هنا بس هتبقوا ناقصين واحد وهأمركوا شوية اوامر ولازم تتنفذ علشان لو متنفذتش صح مع كل امر فى واحد فيكوا هينقص وهيبقى فى فرصه واحده وهى الأخيره للى هيتبقى والفرصه الأخيره هتبقى اصعب فرصه لكن ممكن بيها نخرج كل اللى اتاخدوا

الكابتن وليد : لا احنا مش موافقين .. احنا هناخد السفينه ونمشى ومش هنرجع تانى  باسل : خلاص روحوا على السفينه

وبعد شويه بيوصلوا السفينه لكنهم مش بيلاقوا قرشي

شريف : هو قرشى فين ريم : مش قالكوا هتنقصوا واحد شريف مهددآ ريم بالسكين : لو قرشى مجاش دلوقتى انا هقتلك ريم : انت كداب وانا مش بالساهل كده اموت شريف : طيب هو فين ريم : باسل خده الكابتن وليد : يعنى ايه خده ؟! وخده فين ؟! انا لسه متفق معاه اننا هنرجع ومش هنيجى هنا تانى ريم : مهو باسل ده مش من ال10 المبشرين بالجنه علشان تصدقوه وبعدين عند باسل ده دخول الحمام مش زى خروجه شريف : خروجه اسهل .. هو اخد قرشى واحنا خدناكى ولما يرجع قرشى هنرجعك غير كده مفيش ريم : لو كان بيخاف عليا اصلآ مكنش جابنى هنا ولا خاطر بيا اساسا ولا بهدلنى شريف : ايوه بس هو خالك ريم : باسل يبقى اخو امى بس من ساعة اللى حصل وهو بيكرهنى وبيكره امى بس اخد قرار انه لازم يعلم الناس اللى تعدى من هنا درس مهم جدآ وهو انهم ميقربوش من عشيرته مره تانيه الكابتن وليد : طب وايه الحل ؟! وكمان هو انتى ليه كنتى بتعيطى ورا الجبل ؟! وهو انت معانا ولا ضدنا ولا ايه حكايتك ؟! ريم : هجاوب عليك واحده واحده .. الحل هو ان... يتبع....


















نحن نقدر تعاونك
من فضلك اختر نوع التجاوز




شاهد ايضا




التعليقات

  • اكتب تعليق




مواضيع جديده





افضل 30 كاتب هذا الاسبوع

اكثر المواضيع مشاهدة علي الاطلاق