الترعة

2018-04-18 13:57:08 قصص و حكايات ...






مش عارف ابدأ منين و ابدأ ازاى 
واشمعنا أنا بالذات اللى يحصلى كده من بين كل شخص فى البلد و ليه يصادف إنى حكايتى دي هي أساس كل المشاكل والمصايب اللى فى بلدى ، حوادث غامضه و حوداث موت مريبه وطبعا كلنا بنقول إن لله وإنا إليه راجعون بس نيجى نسأل ايه سبب موت الناس دى ، محدش من الناس الكبيره اللى فى البلد يرد علينا و يقولوا اللى مات ادعولوا بالرحمه والمغفره ،، طب احنا عايزين نعرف ! ليه بيحصل كده واي سبب الموت ؟ هو اينعم محدش معترض على الموت لان كله بإيد ربنا بس الناس بتموت بطرق غريبه جدا  !! 
طولت عليكم فى البدايه معلش ! بس لازم تعرفو اصل الموضوع وحكايته عشان تفهموا حكايتى ومشكلتى
المهم اعرفكم بنفسى انا خالد محمد  تانيه كليه اداب و عشان انتم عارفين ان كليه اداب مش كليه عمليه وكده  وانا مش بروح المنيا كتير ! 
وعندى اخواتى محمود ٣ اعدادى و مصطفى ٦ ابتدائى و عندى صديقى الصدوق اسمه حازم و حازم ده كليه هندسه و هو بيسافر وبييجى على اخر  الاسبوع  و بنقعد مع بعض نتكلم فى اي حاجه لما بييجى. المهم احنا عندنا حاجه اسمها ( الترعه ) وهي    طويله وممتده وبتمد القريه بتاعتنا والقرى اللى حوالينا ببعضها وكده يعنى ويصادف إن بيتنا على حافة الترعه و جنب بيوت العيله


وبيوت العيله بعيده شويه عن البلد 
والناحيه التانيه من الترعه فى بيوت تانى 
المهم فيه واحد طيب وغلبان اسمه ( عاطف ) 
و هو كان صاحبنا كلنا وهو بيته كان من الناحيه التانيه من الترعه وعاطف بيقولوا عليه مكشوف عنه الحجاب وهو بييجى عندنا نقعد على حافة الترعة و ندردش مع بعض ونرمى طوب فى الترعه وبنهزر عادى                                           
المهم عاطف قالى مره واحده كده 
تعرف يا خالد ؟ قولتله اعرف ايه انت شكلك حبيت ولا ايه يعم يبختك ؟ قالى لا يعم حب ايه و بتاع ايه ؟ قولتله اومال اعرف ايه ؟ قالى انا بكره ولا بعدو هموت ! انا اتصدمت من كلامه ! قولتله ازاى يعنى هتموت ،ايوه كلنا هنموت طبعا بس محدش عارف اجله ؟ قالى ايوه والله زي م بقولك كده ! فيه حاجه بتجيلى كل يوم وتقولى نهايتك قربت يا عاطف ونهايتك على ايدى انت و خالد واخواته واهل البلد كلها واي حد ساكن على حافة الترعه بتاعتى هيموت ! انا اتصدمت اكتر وسكت وصم
خصوصا ان نبره صوت عاطف تدل انه كان بيتكلم جد لان عاطف مش بيكدب خالص خصوصا ان بلد مشهوره بالاشياء والتخاريف الغامضه اللى بتحصل ! فهديت عاطف وقولتله ما تقلقش مفيش حاجه هتحصل ! راح قالى لو مت يا خالد اعرف سبب موتى أرجوك ! قولتله ماشى ماشى بهزر معاه وقلتله مفيش حاجه هتحصل متخافش ! ومشى عاطف وروح والوقت عدى وجيت بليل افكر فى كلام عاطف وكنت قلقان وقطع تفكيرى صوت دوشه جيه من بره وحركه صوتها عالى كده 
نزلت اشوف فيه لقيت الناس بتقول الست
 ( ساميه ) مش موجوده فى العشه ! 
للعلم الست ساميه كانت ست كبيره و ساكنه فى عشة على حافة الترعة و الناس بتعطف عليها و تساعدها ! المهم كانوا بيقولوا ان واحده من اهل البلد راحت تشوفها وتديها العشا بتاعها ملقتهاش فى العشة خصوصا ان هي مش بتخرج خالص برا العشة بليل


المهم الترعه كانت منفخضه لتحت شويه و قاعدين ندور وكده وبعد بحث طويل  لقينا اثار لحد وقع  فى الترعه ، المهم الشك زاد اكتر ان الست ساميه وقعت فى الترعه ، راح رجاله البلد وشبابها نزلوا الترعه يدورا عليها والحريم تصوت بصوت عالى و البحث بدأ من عند بلدنا لحد باقى القري التانيه المهم بعد بلدنا بشويه واحد غطس تحت الميه رجليه جات على حاجه بينزل يشوفها لقى جثه الست ساميه و مره واحده كده الناس كلها بقت فى صمت تام من  هيئه جثتها كان شكلها غريب وشها كان اصفر جدااااا و شاحب كأنها شافت  حاجه قبل ما تمزت و علمات الرعب كان واضحه على وشها و لقينا ناس بتتكلم وتقول احنا مش استريحنا منها ايه اللى رجعها تانى !
المهم طلعنا جثه الست ساميه ودفنها و بعد ما اخدنا العزاء وكله روح نام بسبب التعب ده كله  وانا روحت قعدت افكر فى كلام عاطف ! هل ده ربط باللى قاله ! وان دى بدايه لكلامه اللى قاله ؟
رحت فتحت المصحف وقريت قرأن شويه
رحت نمت ، صحيت لقيت ست قدامى داخله عليا بتقرب منى ست شكلها مش هقول انها مخيفه او خفت منها لا هي واحده عاديه وبدأت تقرب منى جيت اتحرك جسمى كان ثابت واتشليت ! جيت اتكلم صوتى اتكتم جيت اخد نفسى مكنش فيه تنفس ! انا خلاص استسلمت للموت مش قادر اعمل حاجه  ! قالتى جمله ( دور كويس هتعرف انا مين ! دور كويس هتعرف علاقتى بيك ايه ) 
مره واحده كده لقيت نفسي صحيت من النوم ! 
ايه ده كان حلم ! الحمدلله انه كان حلم ! ده كان كابوس ؟ صحيت جسمى كان متكسر ، صحيت من النوم الساعه ١٢ ونزلت تحت  لقيت ابويا قاعد تحس انه سرحان في حاجه وقاعد كده تحس انه قلقان بقوله يا حج صباح الخير ! مردش ! يا حج رد سرحان في ايه ! قالى ها ، لا مفيش يا خالد ، قلتله بقلك صباح الخير قالى صباح النور ! قلتله فيه حاجه سرحان ف اي ! قالى لا حاجه كده ! قالى انت نمت كويس ! قلتله هنام كويس ازاى يا حج بعد اللى حصل  امبارح ده ، قالى على رأيك
ومين فينا نام كويس يا ابنى ! 
المهم قلتله انا حلمت حلم غريب ومخيف ! 
قالى احكى حلمت ايه ! قلتله حلمت انى شوفت واحده و قالتلى دور كويس هتعرف انا مين ! دور كويس هتعرف انا هقربلك ايه ! 
ابويا بعد ما سمع كده منى ملامح وشه كلها اتغيرت مليون درجه ! بعد ما كان هادى وحابب  يسمع القصه ، قالى ده حصلك قبل كده ولا ده اول مره يحصلك ! قلتله لا اول مره ! قالى يبقى رجعت رجعت انا عارف ، قلتله مين اللى رجعت ! قالى روح افطر بس انت دلوقت وشوف هتعمل ايه هتذاكر ولا هتعمل ايه ؟ قلتله ي حج كلمنى وقولى مين اللى رجعت ! والكلمه دي سمعتها امبارح من الناس واحنا بنخرج جثه الست ساميه من الترعه ! قالى روح بس افطر ونتكلم ف الموضوع ده بعدين !
قلتله ماشى ، فطرت وقعدت وذاكرت وخلصت ،وقعدت مع اخواتى واتصلت على حازم وحكتله اللى حصل فى البلد وكده وموت الست ساميه الغريب ونسيت اقلكم ان حازم مهتم بالحاجات دى
وحاجات الرعب وكده ودايما بيحب يتكلم فيها ! بس انا مش بصدق كتير فيها ، المهم خلصت معاه وجينا المغرب ، بس عاطف مجاش ! الله ازاى عاطف كل يوم بييجى اشمعنا انهارده مجاش يعنى ! ببص كده من ناحيه الترعه على بيته لانه بيته كان فى وش بيننا واللى يفصل ما بينا الترعه ملقتش حركه هناك وكده ! قولت اكيد فيه حاجه ! المهم لفيت من على ناحيه الترعه ورحت بيته لقيت امه فتحت ، بقلها ازيك يا ام عاطف ، قالت الحمدلله ،قلتلها عاطف فين ؟ قلتلى اهو والله قاعد جوه و من العصر وهو مستخبى لوحده كده وقاعد يقول ابعدوها عنى ابعدوها عنى !قلتلها لو سمحتى عايز ادخله ! قالتلى اتفضل ! دخلت لقيته تحت البطانيه ومتغطى وبيرتعش ، قلتله مالك يا عاطف فيه ايه ؟ قالى انت جى تعمل ايه هنا ، اي ال جابك ! قلتله عاطف فيه ايه انا خالد ! قالى انت السبب انت ال هتموتنى ! قلتله عاطف فيه اي انت فيه حاجه فى دماغك او فيه حد قالك حاجه عليا ضايقتك ؟ قالى هى اللى قالتلى هموتك !


والسبب فى موتك هيكون خالد وابوه وبسبب خالد وابوه هموت كل واحد فى القريه دى ! قلتله الله مين دي ي عاطف ! قالى واحده جاتلى ف النوم وقالتلى هتموت انهارده يا عاطف ! ونهايتك هتكون انهارده بليل عندى فى الترعه بتاعتى ! قلتله لا ي عاطف متقلقش مفيش حاجه هتحصل خير ! قالى لا خير ولا غيرو انا بعد ما سمعت كده انا خلاص هموت وكله ده بسببك انت ! قلتله عاطف شكلك قلقان وتعبان انا هسيبك دلوقت وارتاح انت ! مردش ! سيبته ومشيت وروحت مش عارف فيه حاجات كتير بتدور فى دماغى وقولت خلاص لازم اكلم ابويا فى الموضوع ده ! بس لقيته لسه مجاش من الشغل ، المهم اتعشيت و رحت على السرير افكر بردو فى اللى بيحصل ده وبيحاول اربط بس مش عارف اربط ! ونمت صحيت على صريخ جامد والبلد مقلوبه ! واللى شد انتباهى اكتر لقيت صوت الصريخ واللمه كان قريب من بيتنا مش بعيد نزلت طلعت اجرى اشوف فيه ايه ! لقيت الناحيه التانيه من الترعه ام عاطف قاعده تسرخ جدا
وتقول سيبتنى ليه يا عاطف ! ليه تعمل كده ؟ هروح فين بعدك يا ابنى ؟ قلت فيه ايه الموضوع طلع بجد ولا ايه ،  طلعت اجرى اروحلها ! قلتلها فيه ايه احكيلى حصل ازاى ده ! قالتلى بعد ما انت سبت عاطف وهو نايم لقيته بليل طلع مره واحده من اوضته وهو غضبان جدا ! قلتله فيه ايه يبنى مالك ! قالى سيبينى سيبينى اروحلها اشوفها عايزه منى ايه ! عايزه تموتنى ليه ؟ وانا هنزلها الترعه واشوف هى عايزه منى ااايه الست دى ! قلتله ست مين يبنى ! مردش خالص وزقنى ! وطلع يجرى على الترعه ويقول اااانتى عايزه منى ايه ! تعاليلى هنا انا مش خايف منك ! ونزل الترعه ويقولها انا اهو اظهرى ! ومره واحده يبنى لقيته نط فى الترعه ! فضلت الصوت اقووول يا عاطف !
والواد يبنى اول ما نط فى الترعه كان اختفى ! والناس كلها اتلمت وادينا اهو لسه ابنى مجاش
قلتلها متقلقيش خير ان شاء الله ! والناس كلها تنزل وتنط فى الترعه بحثا عن عاطف وكله بدأ يدور و مفيش حد لاقى حاجه ! ياا ربى اي الل بيحصل ده
وفيه ناس غطاسين متخصصين جوم ، محدش لاقى حاجه ! و مراكب الصيد نزلت تدور ! المهم مركبه من المراكب دى شبكت كده فى حاجه فى نص الترعه ! المهم واحد راح يشوف شبكت في اي ، قال ده هووووو ده عااااطف ! انا مش هنسى منظره ابدا والناس بتخرجه من الترعه منظره كاااان يرعب جدا وشه وجسمه كااان اصفر و رجله وايده كانوا منكمشين فى بعض ! كيوم ولدته امه ! تحس انه شاف حاجه فزعته ! وطلعت اجرى عليه يا عاطف يا عاطف سيبتنى ليه ! الناس ابتدت تهدينى ! وانا فى حاله ذهول ! المهم تمالكت نفسى ورحنا طلعناه وغسلناه ودفناه وخدنا العزا بتاعه وطول العزا وانا بصص لوالدى وعينى منزلتش من عليه وبعد العزا رووحت البيت وانا مستنى ابويا يكلمنى بنفسه عن اللى حصل ! بس متكلمش خالص ! قلتله ابويا كلمنى فيه ايه ! احكيلى واي السبب فى موت الست ساميه وعاطف ! قالى يبنى مفيش ولو فيه انا هقلك فيه مش هخبى عليك ! قلتله بالله عليك لو عايز تحكى فيه ايه انا موجود !
لو عايز توقف سلاسل الموت دى اللى بتحصل وهتحصل تانى انا متأكد ! احكيلى ! قالى قلتلك مفيش بقى وقالهالى بغضب كده ! قلتله ماشى ي حج وسيبته ! طلعت ريحت فوق ونمت لقيت نفسي فى غيط ، غيط كبيره جدا ومن بعيد كده شايف راجل وست بس الرؤيه مكنتش واضحه اوى ! لقيتهم بيتكلموا والراجل بيقولها انت اختى حبيبتى المشاكل اللى بينا انتهت خلاص وهتاخدى حقك كامل المهم لقيتها حضنته والست بتفك وبتخرج من حضنه  كده  لقت سكينه مغروزه فى بطنها ! قعدت تسرررخ ! وفضل يطعنها مره واتنين وتلاته ! قالتله ليه كده ي اخويا ! تعمل فيا كده ! قالها انتى السبب فى كده انتى اللى خلتينى اعمل كده وانتى اللى اخترتيه لقيته فى لمح البصر الراجل ده اختفى لقيت شخص تانى جي وهي بتقوله انا مراتك حبيبتك انقذنى انا اللى اتحديت كل حاجه عشانك وسيبتهم علشانك قالها انتى حبيبتى ومراتى ام ابنى و اكيد هنقذك لقيته فجأه كده مسك حجر كبير وخبطها على دماغها بيه
وفضل يخبط يخبط لحد ما ساوى راسها بالارض ! 
طبعا انا كل ده شايفه من بعيد ، لقيتنى مره واحده كده صحيت من النوم وجسمى متكسر جدا وانا بفكر فى الحلم ده ! المهم صحيت وفطرت ورحت الكليه عشان اغير جو الحزن اللى واحد فيه ده و مركزتش خالص فى محاضرات ولا غيرو اتصلت على حازم قلتله بقلك انا مش عايز ارجع البلد يومين كده بسبب اللى حصل ده ! قالى عارف عارف انا كده كده كنت هتصل عليك تيجى تقعد معايا يومين عشان تغير جو بسبب اللى حصل ده ! وهننزل الخميس البلد ! وقعدنا نتكلم فى الموضوع واللى بيحصل فى البلد وكده وحكتله على موضوع الست دى اللى طلعت لعاطف قبل كده وبتطلعلى ، قالى الست دى اكيد ليها علاقه بيك لان كل حاجه وليها سبب وكون ان والدك مش بيرد عليك لما بتكلمه فى الموضوع ده يبقى والدك اكيد عارف حاجه ومخبيها ! خلصنا الحكايه ! وقعدت معاه ونزلنا البلد الخميس وروحنا البلد ، واحنا داخلين البلد لقينا فيه عزا سألنا مين مات ، قال ده طفل امه


امه كانت نازله تغسل فى الترعه وطلعت وخلصت وهو كان ماشى وراها وهي متعرفش انه كان جي وراها ! فنزل فى الترعه يشوفها ومحدش شافه بعدها غير وهو ميت ! قلت لحازم اكيد فى حاجه فى البلد دى وكل اهل البلد الكبيره مخبيين حاجات كتير علينا ! قالى اهدا وتعالى نريح ونيجى العزا ونفكر فى الموضوع ونشوف حل ! قلتله ماشى وهو روح وانا روحت ! وعدا اليوم ! ورحت اقعد مع
وجه اليوم اللى مش موعود ، اسود يوم فى عمرى ، و اللى مكنتش اتمناه ! اخويا مصطفى كان بيلعب مع صحابه كوره والكوره نزلت الترعه وهو بالعصا كده كان بيحاول يجيب الكوره من الترعه راح اتزحلق وقع فى الترعه  وكان بيقول الحقونى فى حاجه بتشدنى من تحت ، وصحابه فضلوا يسرخو و محمود اخويا كان جي من الدرس راح شاف اخوه ونط فى الترعه عشان ينقذو ! راح هما الاتنين اتشدوا مره واحده فى الترعه ! وعقبال ما الناس جات محدش شاف ليهم أثر ! والناس اتلمت و  نزلت تدور على اخواتى فى الترعه
وسمعت ابو حازم صاحبى ان هو اللى خرجهم من الترعه ! واحنا فى العزا وبناخده لقيت ابو حازم جي ويقولى البقاء لله يبنى كلنا هنموت وكل حاجه قضاء وقدر واللى حصل ده من عند ربك ، قلتله الدوام لله ! قالى يبنى بس يبنى ف حاجه غريبه شوفتها لقيت اخواتك ماسكين فى ايد بعض ومشبكين فى بعض وانا بحاول اشد اخوك لقيت في حاجه بتشده لتحت انا اشد لفوق الحاجه دى تشد لتحت ، لحد ما اتمكنت انا وشديت اخوك لفوق واديته للناس ونزلت اشوف اخوك التانى لقيت فيه حاجه ظم مسكاه تحو حاجه هى لا سمكه ولا حاجه ! تحس انه بنى ادم كده بس شكله غريب تحت ! قعدت اقول ف دماغى وفى خيالى اعوذ بالله ايه ده ايه ده ! ومره واحده الشئ ده سابه ومسكت اخوك وخرجته ! معرفتش اقوله ايه بصراحه قلتله البقاء الله ! وكله هياخد قدره ! طبعا طول العزا وانا متمالك نفسى من ابويا اللى انا متأكد انه عارف حاجه واللى حصل ف اخواتى ده ! اكبر دليل انه يحكيلى ! واول ما خلصنا عزا ! ودخلنا البيت !
طلعت اوضتى قفلت الباب قاعد اعيط على اخواتى ، و افتكرت والدى ونزلته تحت وانا متعصب قلتله بقلك ااايه ! قولى فيييه ايه ! احكيلى هتفضل مخبى عنى لحد امتى ! اخواتى واديهم ماتوا اهو لو حكتلى ساعتها كان زمنا انقذناهم ! ولو محكتش والله لموت نفسى زيهم ، قالى لا يبنى مش عايز افقدك زى ما فقدت اخواتك وعمتك ! قلتله عمتى ؟ عمتى مين ! قالى انا بقلك انت واخواتك مقلتش عمتك ! قلتله ابويا عمتى مين ؟ وانت مفهمنا انك وحيد !! لقيته ابتدا ينهار فى العياط و قالى يبنى انا مكنتش عارف ان ده هيحصل ولا كنت ان الحاجات اللى بتحصل دى هتحصل !  وقولت خلاص بما ان هي ماتت وانا موتها يبقى مفيش حاجه هتحصل ! قلتله موتها ؟ قالى يبنى ده موضوع كبير ! قلتله احكيلى كمل أرجوك! قالى بص يبنى الواحد كبر وقرب للموت ! قلتله اتفضل كمل احكى ! وبدأ يحكى ، وانا زمان وانا شاب زيك كده كنت شاب طايش و كنا اغنياء زى ما انت عارف و كنت حابب نفسى جدا
ومكنتش بحب ادى حاجه لحد حتى لو اختى ومبحبش حد يشاركنى فى اي حاجه ! وكان فيه عمتك امانى كانت اكبر منى وكانت طيبه وكانت بتحبنى وانا مكنتش بحبها اوى ؟ وجه شخص يقدملها وكلنا رفضناه بسبب انه كان فقير ومقامه مش من مقام عيلتنا وده الطبيعى زمان عندنا بس المشكله ان عمتك كانت بتحبه وقعدت تقول انا عيزاه هو ! وبعد فتره طويله وافقنا بس قولتلها لو هتتجوزيه ملكيش عندنا ورث ولا فلوس ولا اي حاجه ! هتطلعى من بيتنا مش هتكونى اخوتى ! لان اللى انتى عيزاه ده عايز فلوسنا وملكنا ! قالت موافقه وهتجوزه ؟ واتجوزته ! وبعدها بفتره كده ! لقينا عمتك بتيجى تعيطلنا وتقولى بيضرنى كل شويه وبيقولى روحى هاتى ورثك من عند اهلك انا مش متجوزك عشان شكلك ولا حبك انا متجوزك عشان ورثك ! قلتلها بقلك ايه ! انا قلتلك حاجه ومش هرجع فيها انا قلتلك هتتجوزيه ملكيش حاجه عندنا ! قالتلى انا كنت مفهماه ان ليا هنا حق وهاخده ! قلتلها مليش دعوه بالللى انتى مفهماه ليه !
وانا طرتها بعدها ! ورجعت بيتها مضايقه وهو كمل عليها ضرب    وشتيمه ! وبقت كل شويه تيجى عندنا تشتكى منه وانا بصراحه زهقت منها خالص فى مره وقولتلها لو جيتى هنا تانى هموتك ! انتى اللى خليتى واحد زى ده فقير ملوش لازمه بقى يتقارن بينا وييجى يطلب حق مننا ! امشى ولو جيتى هنا تانى اقسم بالله هموتك سمعانى ي امانى هموووتك ! ومشت لقيت جوزها ده جي يقول ادونا حقنا يا حراميه يا حراميه ادونا حقنا وصوته عالى والناس اتلمت ! نزلت تحت وانا متعصب كنت هضربه لولا الناس هدتنى وبعدتنى عنه ! وانا بقوله حتى يا فقير بقيت بتطلب حق من اسيادك والله لاوريك واوريها ! بعدها بكام يوم رحت لعمتك الغيط وهى كانت زعلانه ومش عايزه تكلمنى قلتلها لي كده ده انا اخوكى حبيبك وجي اديكى حقك ! قالتلى بجد ! قلتلها ايوه ! قالتلى والله انا عارفه انك اخويا حبيبى وكل اللى انت عملته ده من ورا قلبك ! قلتلها هاتى حضن يا اختى ! جات فى حضنى وانا كان معايا سكينه


مكنتش حاسس بايدى دى يبنى والسكينه بتطلع من ايدى وبغرسها فى بطنها مكنتش حاسس ! مكنتش حاسس ان انا اللى بعمل كده ! انا بقتل اختى اللى من دمى ب ايدى ! بس كان فيه بتقولى دى اللى عايزه تاخدك من حقك ! و عايزه تاخد منك كل حاجه انت ورثتها و فجأه كملت طعن مره ورا والتانيه والتالته ! لقيت فى حد كده جاي من بعيد ! سبتها غرقانه فى دمها وجريت وكان فيها النفس!  قلتله  ازاى ي يعنى مكنتش ماتت من طعنك ! قالى ايوه انا متأكد ! قلتله امال ماتت ازاى قالى معرفش يبنى والله ماتت ازاى ! قلتله ومسألتش قالى لا مسألتش ! قلتله ابويا مين اللى كان عايش فى فى الوقت ده و لسه عايش حاليا! قالى ياااه يبنى مش فاكر ! قلتله حاااول تفتكر أرجوك خلينا نشوف حل ! قالى ايوه ايوه افتكرت ده عمك محروس ابو جوز عمتك لسه عايش لحد دلوقت ! قلتله عم محروس الراجل الكبير اللى بيصلى فى المسجد دايما معانا ! قالى ايوه هو ! قلتله فى صلاه العشا انهارده هقعد معاه واكلمه ! قالى ماشى يبنى
وسامحنى على اللى حصل ده ! قلتله ماشى ! 
سيبته وروحت خدت شاور وفوقت ونزلت علشان اصلى العشا بس عم محروس مكنش هناك سألت هو فين ! قالولى مجاش النهارده ! طلبت اعرف بيته ! حد وصفه ليا ! روحتله لقيته بيت قديم خبطت ! لقيت عم محروس خارج بيقولى مين قلتله انا خالد ! قالى خالد مين ! قلتله خالد ابن محمد عبدالرحمن قالتلى انت جدك  عبدالرحمن واخواتك اللى اتوفوا انهارده قلتله اه ! قالى البقاء لله يبنى ! خير عايز حاجه ؟ قلتله عايز اكلمك فى موضوع عمتى ! لقيت وشه اتقلب قالى عمتك مين ابوك وحدانى ! قلتله عم محروس خلاص كله اتكشف وانا عرفت كل حاجه ! قالى عرفت ايه ! قلتله عرفت ان كان ليه عمه واتجوزت ابنك كمان ! 
قالى طيب ادخل يبنى احكيلك الى انت عايزه ! 
زمان ابنى كان عايز يتجوز عمتك وكان هيموت ويتجوزها وانا اقله لا يبنى دى مش من طينتنا واغنى منا ومش هيوافقو عليك ! قالى هتجوزها والله وهتشوف !
واتجوزها يبنى وجوم قعدوا معانا هنا ! وعمتك مكنش عاجبها لا عيشتنا ولا حالنا ! و كانت كل شويه تقول انا اتدبست فيك يا رتنى ما اتجوزتك ! وكان كل شويه ضرب فيها وصريخ منها ! 
واتعودنا على كده ! لحد ما جه يوم لقيت ابنى جى وايدى مليانه دم ! قلتله مالك يبنى منين ده ! قالى قتلتها ! قولتله قتلت مين ! قالى امانى قتلتها ! قولتله مراااتك ليه يبنى كده ! قالى اخوها كان ضاربها وموقعها على الارض وطاعنها بالسكينه وانا مسكت الحجر وكملت على دماغها ! قلتله وتعمل ليه كده ! قالى عشان اورثها وانا مش عايز غير ورثها بس ! ومسكت السكينه بتاعت اخوها وقطعتها حتت ورمتها فى الترعه فى كل مكان رميت قطعه منها عشان محدش يشك  وعدا يومين يبنى لقيت الناس بتسرخ وبتقول جثه سيد على الترعه جثه سيد على الترعه ! طلعت اجرى لقيت ابنى غرقان و جثته عايمه على الميه ووشه كان اصفر وكان شكله لا يطاق جدا ودفناه والموضوع ده انتهى خلاص ! قلتله ماشى خلاص
قالى يبنى عايز اقلك حاجه ! اللى نبش فى القديم يستحمل اللى جي ! قولتله ازاى ! اي معنى كلامك ده يعم محروس ! قالى الحكايه بدأت بعداوه واحنا اللى عادينا و الانسان هو الشر والانسان هو سبب كل حزن وكل شر طبعا كلنا بنغلط بس احنا بشر وكلنا بنغلط و ساعات و دايما مواضيع الورث دى الانسان فيها بيتحول لوحش عايز ياخد كل حاجه لوحده مبيفكرش فى غيره مبيفكرش غير فى نفسه فى اولاده بغض النظر ان ده هيكون على حساب اخواته ! قلتله قصدك ايه يعم محروس باللى انت بتقوله ده ! قالى يبنى يعنى روح اقعد مع ابوك شويه قبل ما يموت لانه هيموت بسبب اللى عمله ده ! 
قلتله نعععم ! طلعت اجرى على البيت ! لقيت الناس قدام بيتنا وكله بيصرخ و كله بينط وبيغطس  فى الترعه ساعتها تيقنت ان ده ابويا اللى هو اللى مات ! ولما طلعوه لقيته وشه كان شاحب واصفر ! طلعت اجرى عليه وخدته فى حضنى وانا بعيط وبصرخ ابوويا ! ابويا مات لان دفع تمن اخطائه ! اخدت العزا    وروحت كتبت اللى حصل ده كله !
عشان لو حصلى حاجه ! يبقى اي حد يشوف اللى انا كاتبه ده وهنام هنام عشان انسى اللى حصلى  ! ....   
طبعا الحاجات دى انا بقراها ، نسيت اعرفكم بنفسى انا حازم صاحب خالد ، خالد اللى اختفى معرفش هو راح فين لحد دلوقت ! بس اللى انا فاهمه وعارفه ومتأكد منه ان اختفاء خالد وموت والده واخواته وموت عاطف والست ساميه والطفل ده كلهم ماتوا بسب الطمع وحب النفس والغرور غرور النفس وبسب ضع
















نحن نقدر تعاونك
من فضلك اختر نوع التجاوز




شاهد ايضا




التعليقات

  • اكتب تعليق




مواضيع جديده





افضل 30 كاتب هذا الاسبوع

اكثر المواضيع مشاهدة علي الاطلاق