اشباح التايتنك3

2018-03-28 23:50:10 قصص و حكايات ...






ولكن المفاجأه انهم بيسمعوا صوت نرمين بتعيط ولكن مش عارفين مكانها فين بيقعدوا يندهوا عليها لكنها مش بترد وكل شويه عياطها بيزيد
الكابتن وليد : هوسسسسسسسسس استنا خلينا نسمع الصوت جاى منين ... الصوت جاى من ورا التبه دى
عبقرينو : يا فندم ده علشان نطلع بس التبه محتاجين نص ساعه ما بالك بقى دى بنت ازاى هتطلعها فى 5 دقايق
الكابتن وليد : مش عارف بس لازم نطلع بسرعه .. هات المعدات وتعالى ورايا بسرعه
وابتدوا يتسلقوا التبه بسرعه لحد ما وصلوا لأخرها وبيبصوا على مصدر الصوت لكن ملقيوش نيرمين نزلوا بسرعه ناحية الصوت ومعاهم الكشافات ولكنهم لقيوا ان الصوت سببه واحده شابه جميله لكنها مش نيرمين
الكابتن وليد : انتى مين !!
الشابه : انا اسمى ريم ... ثم تستمر فى البكاء الشديد
عبقرينو : طب انتى ايه اللى جابك هنا ؟؟
الكابتن وليد : بس يابنى انت مش وقت الأسئله دى هاتها نطلعها على السفينه ونعملها اسعافات اوليه وكده لأن شكلها تعبانه اوى
عبقرينو : بس يا كابتن
الكابتن وليد : من غير بس يلا نفذ ... وهنجيب كل الطاقم علشان ندور على نيرمين
عبقرينوا : حاضر يا كابتن
وبيبتدى عبقرينوا والكابتن وليد و ريم يطلعوا واحده واحده على الجبل الجليدى ده وبعدين يروحوا ناحية القارب لكن بيلاقوا نيرمين قاعده فى المركب
الكابتن وليد : انا مش قولتلك متنزليش من المركب
نرمين : انا منزلتش يا كابتن
الكابتن وليد : بطلى كدب 😑 انا كنت لسه هنا انا وعبقرينو وخدنا المعدات ومش لاقيناكى فى القارب
نرمين : والله العظيم انا متحركتش من القارب انتوا اللى اتأخرتوا جدآ وانا كنت قاعده مرعوبه ومع ذلك متحركتش .. وبعدين هى مين دى !!
الكابتن وليد : دى ريم لاقيناها ورا الجبل 
نرمين : نعم !! ورا الجبل ازاى يعنى وكانت بتعمل ايه هناك
الكابتن وليد : مش عاوز اسمع منك صوت يلا علشان نوديها السفينه علشان شكلها تعبانه على الأخر
وبعد شويه وصلوا السفينه وكل اللى يشوفهم يستغرب من ريم لكن الكابتن وليد طلب منهم عمل اللازم معاها وانهم يدوها ادويه وكده ...
وبعد ما ابتدت تروح ريم فى النوم جمع الكابتن وليد كل طاقم العمل وقالهم
الكابتن وليد : كلوا يدخل ينام دلوقتى علشان بكره هنغطس وهنستكشف الجبل ده تانى وهيبقا قدامنا يوم صعب شويه
احمد : يا كابتن انت متأكد ان ريم دى انسانه زينا
الكابتن وليد : الله اعلم بس واجبنا اننا ننقذها وبعدين واحده بالجمال ده اكيد مش عفريته يعنى .. يلا الكل يدخل ينام
وبعدين كلهم بيروحوا على اوضهم ويناموا وبيصحوا الصبح بدرى يتجمعوا فى مكان كده فى السفينه بيفطروا فيه وبعد ما يفطروا بتقوم ريم من النوم
الكابتن وليد : تعالى يا ريم افطرى
ريم : شكرآ يا كابتن مش عاوزه
الكابتن وليد : ايه هو اللى مش عاوزه بقولك تعالى افطرى
ريم : انا مش باكل انا بشرب بس
نرمين : ازاى يعنى مش بتاكلى اومال عايشه ازاى ؟!
ريم : عادى عايشه
الكابتن وليد : انتى شكل البرد أثر عليكى
ريم : المهم مفيش حاجه تأثر عليكوا انتوا
الكابتن وليد : انتى قصدك ايه !
ريم : مش قصدى حاجه انزلوا شوفوا هتعملوا ايه بس بلاش تروحوا ورا الجبل التلج ده
قرشى : ليه يعنى يا انسه ؟! منروحش ليه هو احنا صغيرين
ريم : انا قولتلكوا وبراحتكوا
الكابتن وليد : اجهزوا علشان اول حاجه هنعملها هنروح ورا الجبل ده وريم هتبقى معانا
ريم : لا انا مش رايحه
الكابتن وليد : لا هتروحى غصب عنك علشان تورينا الحاجه اللى المفروض نخاف منها
ريم : المفروض متخافوش من حاجه لكن كمان المفروض تتبعوا كلامى
الكابتن وليد : ليه يعنى مين حضرتك علشان نتبع كلامك السفينه ملهاش غير كابتن واحد
ريم : خلاص تبعوا كلامى فى اللى برا السفينه
الكابتن وليد : من الأخر كده انتى قصدك ايه ؟!
ريم : من الأخر كده انا موجوده هنا علشان مصلحتكوا انتوا .. والجبل ده لو دخلتوه هتحصل حاجات انتوا مش قديها
الكابتن وليد : مين اللى عرفك كل ده 
*تصمت ريم ولا ترد*
الكابتن وليد : ما تنطقى مين اللى قالك كل ده ؟!
ريم : انا عارفه حاجات كتير انتوا متعرفوهاش .. وكمان عارف كل حاجه عن كل واحد فيكوا
احمد : يعنى ايه الكلام ده ؟!
ريم : يعنى اللى انتوا سمعتوه
الكابتن وليد : من الأخر كده انتى ايه بالظبط وعاوزه مننا ايه ؟!
ريم : انا هقولكوا انا ايه وعاوز ايه انا ابقى ...
يتبع.
في الرابع

















نحن نقدر تعاونك
من فضلك اختر نوع التجاوز




شاهد ايضا




التعليقات

  • اكتب تعليق




مواضيع جديده





افضل 30 كاتب هذا الاسبوع

اكثر المواضيع مشاهدة علي الاطلاق